"अर्ध टुहुरोको बेदना" (Song)

किन गयौ बाबा छोडेर मलाइ? नयाँ दुलहिको कोखमा मलाई ! रुन्छिन नि आमा भक्कानो छोडि गर्दै बिलौना, बिदेशको धनले बाबाको माया म कसरी किनौला? बुनेर के गर्नु भिजेका गह ले सपना सुनौला! बरु सङै बसौ खुसी साटौला दुख बाँडौला! बाबाको काखको त्यो न्यानो माया म कसरी थाहा पाउँ? मनमा पिर बोकि बिदेशी धनमा म कसरी रमाउँ? बाझै छ बेसि खेत पसिना यहि बगाइ जोतेर खाउँ! गरिबी सहौला बरु मिलेर बसि एक्लोपन भगाउँ! किन गयौ बाबा छोडेर मलाइ? नयाँ दुलहिको कोखमा मलाई ! होच्याइ सोध्छन ति साथी मेरा खोइ बाबा भनी? बर्सौ भयो बाटो हेरि बसेको यि औला गनि! बोलाउदा कसैले अर्ध टुहुरो भनि मन कति दुख्छ ! यो कोपिलाको जोस स्नेहको अभाबमा ओइलाइ सुक्छ! बिर्सेउ कि कतै त्यो चन्द्र मुखी दुलहिको मुहार! कि बिर्सेउ मलाइ नदेखेको नासो बुढेस कालको साहारा! बिन्ती छ बाबा फर्की आउ ल्याउ खुसिको बहार! तिमि फर्की आए यि ओठलाइ हासो नै उपहार! किन गयौ बाबा छोडेर मलाइ? नयाँ दुलहिको कोखमा मलाई !