सरकारको औकात

सिन्डिकेट  हटाउने घोषणा गर्छ सरकार

र उसको औकात 

ओभरलोडले पल्टिएको गाडीले देखाउँछ

सुशासन ल्याएको जिकिर गर्छ सरकार

र उसको औकात 

पदै पिच्छे आफ्ना भरौटेको नियुक्ती ले देखाउँछ

तिब्र बिकासको सपना देखाउँछ सरकार

र उसको औकात

बर्षौ देखि अल्झिरहेको मेलम्चीले देखाउँछ

समृद्ध नेपालको गित गाउँछ सरकार

र उसको औकात

दानको कम्बलमा निस्कने मुस्कानले देखाउँछ

दिगो बिकासको धुन गुनगुनाउँछ सरकार 

र उसको औकात

गाई धपाउन ल्याइने ऋणले देखाउँछ

मातृभुमीको आगाध प्रेमको झ्याली पिट्छ सरकार

र उसको औकात

सधै खुम्चिरहने देशको सिमानाले देखाउँछ।

स्वदेश मै रोजगारीको सपना देखाउँछ सरकार

र उसको औकात

दिनहुँ भित्रिने लास बोकेका बाकसले देखाउँछ

लुटतन्त्र अन्त्यको घोषणा गर्छ सरकार

र उसको औकात

माफिया दलाललाई दिएको अल्टिमेटमले देखाउँछ 

भ्रष्टाचार नियन्त्रणको फुईँ झार्छ सरकार

र उसको औकात

पद नियुक्तीमा हुने मोलमोलाइले देखाउँछ

दुई तिहाईको दम्भ देखाउँछ सरकार

र उसको औकात

खाल्टो पुर्न पटक पटक दिने निर्देशनले देखाउँछ 

[ published on Salleri Khabar:- https://www.sallerikhabar.com/archives/93390 ]